VARAZZE, Iacobo [=Santiago de la Vorágine]?

Legitur de sancto Syro Ianuensi episcopo quod, semel in ecclesia confitens, in risum maximum est prouocatus, afferens se uidisse demonem qui uerba loquentium in ecclesia scribebat. Et, cum charta deficeret et ille dentibus eam elongare uellet, charta subito fracta fuit et ille cum capite suo sic ad murum percussit ut sonitus collisionis audiretur et uulnus capitis sequeretur. Audit et illos clericos et monachos qui negligenter cantant et psalmos et uersus et lectiones multas omittunt. Legitur quod quidam sanctus monachus uidit quemdam demonem nomine Titiuillum, per sedes monachorum discurrentem, qui uidebatur aliqua colligere et in sacculo recondere. Qui, a sancto uiro adiuratus, dixit se colligere omissiones psalmorum, et quolibet die mille uicibus saccum adimplebat. Unde de hoc quidam facit huiusmodi uersus : Fragmina psalmorum Titiuillus colligit horum, qui psalmos resecat et uerba dauidica curtant Quotidie mille uicibus se sarcinat ille.

Aparece su nombre , El demonio escribe , El demonio llena un saco