ANÓNIMO

Nº 23. Der Teufel Tutenullus: Dat geschach in eyneme clostere, dar was eyn hillich broder, de was to eyner tijd an synem bede. Do sach he eynen ouelen geyst ghan in deme clostere, de droch eynen groten sak vppe syneme halse. Dar beswor he en, dat he em seggen scholde, wat he droge in deme sacke. Do antworde he vnde sprak : 'Ik samne hijr in dussen sack alde tobrokene wort, de desse brodere spreken, wan se ere tide lesen, vnde darto alle de wort vnde bockstaue, de se ouerslan edder vorgeten.' Do sprak de hilge man : 'Wo ys dyn name?' He sprak : 'Ik byn geheten Tutenillus.' Do makede de hilge man dar van dij versch : Fragmina verborum Tutenillus colligit horum, vnde segede dat den broderen, vppe dat se sijk bewareden dar vor. - Noch wil ik dij eyn ander bilde seggen.

Aparece su nombre , El demonio escribe , El demonio llena un saco