ANÓNIMO

Exemplum. Legitur, quod in quodam monasterio fratribus vesperas decantantibus ipso abbate absente ac fere eo in ambitu deambulante venit quidam mendicus claudicans ad abbatem ei supplicando, ut ei daret aliquid propter deum, et saccum magnum secum sub brachio deferens. Abbas uero ei elemosinam denegans quesiuit ab eo, quid haberet in sacco sub brachio deferenti. Et respondit: Ego collegi fragmina psalmorum, puta sillabarum et diccionum et illa habeo. Abbatem vero terruit et quesiuit, ubi collegisset. Respondit hec : In vesperis a tuis fratribus. Statim abbas iuit ad corum, et ipsi Magnificat decantabant. Et fecit silencium et mandauit a principio deuote et morose incipere cantare et ipse cum eis, scilicet abbas. Finitis vesperis exiuit abbas ad ambitum et mendicum peruenit (!) adhuc in stacione et in sacco omnino nichil habentem. Abbas uero dixit: Quis vocaris? Respondit: Ego vocor Titiuillus. Et quis es tu? Et ipse respondit: Dyabolus sum. Abbas uero statim benedixit se, et sie euanuit. Et sie sub pena obediencie abbas precepit omnibus tractim legere verba et sillabas mundana penitencia de priori commisso iniuncta. Versus: / 'Qui psalmos resecat et verba dauidica curtat, Fragmina uerborum Titiuillus colligit horum'.

El demonio llena un saco , Aparece su nombre