ANÓNIMO (franciscano)

"Narratur de quodam demone cui nomen Tituuillus in tractatu de universo. Quod apparuit cuidam abbati cum quodam cophino in choro psallendum et colligebat sub specie micharum in cophino dictiones et syllabas et sincopas omissas et factas et sompnolencias et interpellationes et distractiones quas habebant et faciebant psallentes in officio divino et psalmodia unde versus. Fragmina verborum Tituillus colligit horum. Sic que mille vicibus se sarcinat ille. Et intrans abbas capitulum reuelauit que uiderat et ex tunc facti sunt monachi cautiores. Beatus franciscus licet aliquando egritudine laboraret nolebat muro vel parieti herere dum psalleret horas set orabat semper erectus et sine caputio in capite, non girouagis oculis, non cum aliqua scincopa horas canonicas persoluebat. Psalmus stantes erant pedes nostri, etc."

Aparece su nombre , El demonio escribe , El demonio llena un saco