VITAL, Orderic [= Ordericus Vitalis]

"Quidam frater in monasterio quodam de multis transgressionibus monasticae institutionis reprehensibilis extitit; sed scriptor erat, et ad scribendum deditus, quoddam ingens volumen divinae legis sponte conscripsit. Qui postquam defunctus est, anima ejus ante tribunal justi judicis ad examen adducta est. Cumque maligni spiritus eam acriter accusarent, et innumera ejus peccata proferrent, sancti Angeli e contra librum, quem idem frater in domo Dei scripserat, ostentahant ; et singillatim litteras enormis libri contra singula peccata computabant. Ad postremum una sola littera numerum peccatorum excessit, contra quam doemonum conatus nullum objicere peccatum praevaluit. Clementia itaque judicis fratri pepercit, animamque ad proprium corpus reverti praecepit, spatiumque corrigendi vitam suam benigniter concessit....".

Libro de pecados