HEISTERBACH, Cesáreo de [=Caesarius Heisterbacensis]

DISTINCTIO QUARTA. DE TENTATIONE. CAPITULUM IX: De clericis superbe cantantibus quorum voces diabolus in saccum misit: / "Tempore quodam clericis quibusdam in ecclesia quadam saeculari fortiter id est clamose non devote cantantibus et voces tumultuosas in sublime tollentibus vidit homo quidam religiosus qui forte tunc affuit quendam daemonem in loco eminentiori stantem saccum magnum et longum in sinistra manu tenere qui cantantium voces dextera latius extensa capiebat atque in eundem saccum mittebat. Illis expleto cantu inter se gloriantibus tanquam qui bene et fortiter Deum laudassent respondit ille qui viderat visionem Bene quidem cantastis sed saccum pjenum cantastis Mirantibus illis et interrogantibus cur hoc diceret visionem eis exposuit Haec mihi retulit Abbas ordinis Cisterciensis vir summae gravitatis His exemplis non reprehenditur devotus clamor quo Deus laudatur in cantu et psalmodia sed tantum inanis gloria Memini Prophetam dixisse Circuibo et immolabo in taber naculo eius hostiam vociferationis cantabo et psalmum dicam Domino Quantum ei devota placeat vocum exaltatio satis audies in sequenti distinctione capitulo quinto Ibidem invenies quantum ex hoc daemones laetentur si sine humili tate in psalmodia voces exaltentur. Audi nunc exemplum satis terribile de superba et lucrativa praedicatione".

El demonio escribe , El demonio llena un saco