SÁNCHEZ DE VERCIAL, Clemente

Exemplo nº 382 (326) RIDERE ALICUANDO NON EST REPREHENSIBILE / El reir en buen estado, / sabet que non es pecado/ : Dizen de un sancto que ovo nonbre Siro un dicho maravillosso, el qual se suele dezir de otro tal sancto ombre una mesma cosa por diversas personas. Segund dizen, este Siro era de tanta honestidat e autoridat que nunca reía del todo, aunque en la cara siempre estava alegre. E un día estando en la iglesia administrando a Sant Feliz que celebrava, vino muy grand riso a este Siro. E quando lo vio Sant Feliz maravillose muy mucho e acabada su misa, preguntó a Siro por qué razón tan fuertemente reía en la iglesia que solía ser de tan grand abtoridat e honestidat. E él respondió que viera al diablo estar en la iglesia escriviendo los nonbres de todos los que en ella fablavan e estavan dissolutamente. E desque en la cal non pudo más caber, quísola extendijar con los dientes e resgósse, e dio tan grand golpe en la paret que sonó el golpe e el diablo confuso desaparesció. E por esta visión dixo que se moviera a riso, veyendo al diablo assí escarnescido...

El demonio escribe , Estira el pergamino , Rompe el pergamino y provoca risas